ಭಗವದ್ಗೀತೆ ಯಥಾ‌ರೂಪೊ ( Bhagavad-gita As It Is Tulu )

Summary

ಭಗವದ್ಗೀತೆ ಅಂತರಾಷ್ಟ್ರೀಯೊ ಆದ್ ಭಾರತೊದ ಅದ್ಯಾತ್ಮೊ ಬುದ್ಯಂತಿಕೆದ ಪದ್ದೆಯಿ ಪಂಡ್‌ದ್ ಪುದರ್ ಪಡೆವೊಂದುಂಡ್. ದೇವೋತ್ತಮೊ ಪರಮೊ ಪುರುಷೆರಾಯಿನ ಸಿರಿ ಕೃಷ್ಣೆರೆರ್ದ್, ಆರೆನ ಸಲಿಗೆದ ಬಗ್ತೆ ಅರ್ಜುನಗ್ ಪನ್ಪಾವೊಂದಿನ, ಗೀತೆದ ಏಲ್ ನೂದು ಸಂಕ್ಷಿಪ್ತೊ ಶ್ಲೋಕೊಲು, ಆತ್ಮೊ ಸಾಕ್ಷಾತ್ಕಾರೊದ ವಿಜ್ಞಾನೊಗ್ ಖಂಡಿತೊ ಆಯಿನ ಮಾರ್ಗೊದರ್ಸನೊನ್ ಒದಗಾವುಂಡು. ಆತೇ ಅತ್ತಂದೆ, ಬೇತೆ ಒವ್ವೇ ಬೇಲೆಗ್ಲಾ, ಅವೆತ ಪ್ರಕಟೊನೆಲೆಡ್, ನರೊಮಾನ್ಯನ ಅಗತ್ಯೊದ ಸೊಬಾವೊ, ಆಯನ ಪ್ರಕೃತಿ, ಬೊಕ್ಕ ಅಕೇರಿಗ್ ಆಯನ ಭಗವಾನೆರೆನ ಒಟ್ಟಿಗೆದ ಸಮ್ಮೊಂದೊನ್ ಓಲ್ಪಡಿ ಮಲ್ಪೆರೆಲಾ ತೀರಂದ್. ಈ ಲೋಕೊದ ಮಸ್ತ್ ದುಂಬರಿದಿನ ವೈದಿಕೊ ಪಂಡಿತೆರ್ ಬೊಕ್ಕ ಶಿಕ್ಷಕೆರಾಯಿನ ಪರಮೊ ಪೂಜ್ಯ ಎ.ಸಿ. ಭಕ್ತಿವೇದಾಂತ ಸ್ವಾಮಿ ಪ್ರಭುಪಾದೆರ್, ಭಗವಾನ್ ಸಿರಿ ಕೃಷ್ಣೆರೆರ್ದೇ ಸುರು ಆತಿನ ಪೂರ್ಣೊ ಆದ್ಯಾತ್ಮಿಕೊ ಗುರುಕುಲೆನ, ಕಡಿಯಂದಿನ ಸಾಲ್ ಸರಪೊಲಿದ ಪ್ರತಿನಿಧಿತ್ತ್ವೊ ಮಲ್ತೊಂದುಲ್ಲೆರ್. ಅಂಚಾದ್‌, ಬೇತೆ ಗೀತೆಲೆನ ಆವೃತ್ತಿಲೆಲೆಕ್ಕ ಆದುಪ್ಪಂದೆ, ಆರೆನ ಈ ಆವೃತ್ತಿ ಭಗವಾನ್ ಸಿರಿ ಕೃಷ್ಣೆರೆನ ಗಾಂತ್‌ದ ಸಂದೇಸೊನ್‌, ಅವು ಉಪ್ಪುಲೆಕ್ಕನೇ – ಒಂಜಿ ಚೂರು ಕಲೊಬಿರಕೆದ ಕಲಂಕ್ ಅತ್ತ್0ಡ, ವ್ಯಕ್ತಿಗತೊ ಆದೇ ಉದ್ದೇಸಿತ್ ದಿನ ಪಗಪುಲುದಾಂತೆನೆ ಒದಗಾವುಂಡು.