वैष्णव आचार्यहरूको भजन ( Vaishnava Acharyaharuko Bhajan (Nepali) )

Summary

यो ग्रन्थ अनेकौं वैष्णवजन (कृष्णभक्त) हरुद्वारा रचित परम्परागत भजन तथा स्तुतिहरुको संग्रह हो, जसमा भगवान् कृष्ण तथा उहाँका अवतारहरुको प्रशंसा एवं स्तुतिगान गरिएको छ । यस पुस्तकको भाषान्तर मूल बङ्गाली तथा संस्कृत पद्यका का विशुद्ध प्रस्तुतिकरणहरु हुन् । यी भजनका पद्यहरु मर्मस्पर्शी तथा आकांक्षी भक्तहरुको प्रार्थना भावलाई उजागर गरिदिने खालका छन् । यी भक्तिगीतहरु गाउनु भक्तियोगको एउटा महत्त्वपुर्ण साधन हो । यिनले तत्काल हामीलाई यस नश्‍वर जगत्‌का कष्‍टहरुबाट मुक्त गरिदिन्छन् र हाम्रो चेतनालाई भगवद्प्रेमको स्तरसम्म पुऱ्याइदिन्छन् । दिव्य ध्वनिले हामीलाई दिव्य जगत्‌सम्म पुऱ्याइदिन्छ र हृदयदेखि नै अंकुरित यी सुन्दर भजनहरुले परमार्थलाई त्यसैगरी आकर्षित गरिदिन्छन् जसरी नाद तथा स्तुतीले आकर्षित गर्दछन् । कृपया, महाभागवतहरुले अनुभव गरे अनुसारको उच्च भक्तिमय भावको गहिराइमा डुबुल्की लगाउनु होस्।